Bangkai siku anak mit baru ada ditemu ba palan muai uras
Cari Berita

Advertisement

Bangkai siku anak mit baru ada ditemu ba palan muai uras

Chief Editor | Berita Iban MY
March 13, 2019

KASIH AMAT: Bangkai anak mit baru ada enggau agi betali pusat ditemu ba palan muai uras ba Bukit Gemuk di Jalai Bombalai, Tawau, Sabah, pagi tadi.

TAWAU: Bangkai anak mit baru ada enggau agi betali pusat ditemu ba palan muai uras ba Bukit Gemuk di Jalai Bombalai, Tawau, Sabah, pagi tadi.

Bangkai anak mit nya ditemu siku lelaki ke gawa ngumpul uras, urung jam 6.30 pagi tadi.

Ketuai Polis Pampang Tawau, Asisten Komisioner Fadil Marsus, madahka lelaki ke nemu bangkai anak mit nya enda jauh ari penusah ke nyadi lalu malut iya ngena kain batik. 

Ku iya, lelaki nya pengudah nya madahka pekara nya ngagai siku ari sebilik enggau iya sebedau nganggauka polis. 

“Asil pansik tumu ba palan penusah ke nyadi, bangkai anak mit ke ditemu agi betali pusat ianya lelaki enggau bisi abi biru ba tubuh iya, dipelabaka udah nadai pengelama tiga hari.

“Naka kediatu, nadai saksi meda orang ti muai bangkai anak mit nya ba palan penusah ke nyadi,” ku iya lebuh ke dirandau pengarang berita, sehari tu tadi.

Ku Fadil, kelimpah ari nya, palan penusah ke nyadi nya mega suah endur orang ti ngumpul uras begigaka perengka guna ti ulih 'dikitar semula'.

“Taja pia, bangkai anak mit nya udah dianjung ke Sepital Tawau kena bejalaika pengawa buntas tasat enggau kes tu dipansik ari baruh "Seksyen 318 Kanun Keseksaan",” ku iya.