Header Ads

  • Baru Nyadi

    EKSIDEN: Tiga bakal, Hilux labuh ke arung semak Rumah Along

    Raban bomba benung bejalaika operasyen ba palan eksiden ke nyadi.

    TATAU: Dua lelaki enggau siku agi indu kesal ati pengudah kerita Hilux ke ditepan sida iya tiga tepawah lalu labuh ke arung semak Rumah Along, ditu, sehari tu tadi.

    Eksiden nyadi urung jam 12.30 tengah hari tadi, sida tiga (mansa) diripotka bakal.

    Pengari Operasyen Bomba Sarawak, madahka sida iya bisi nerima ripot bekaul enggau eksiden ke nyadi  nya urung jam 12.35 tengah hari.

    Berindik ari ripotka diterima, ku iya, seraban bomba ari Balai Bomba enggau Penyelamat (BBP) Tatau berumban ngesah ke palan eksiden ke nyadi ngambika ulih bejalaika operasyen nyelamat.

    “Lebuh datai ba palan eksiden ke nyadi, ketuai operasyen bomba ngeripotka sebuah kerita Hilux labuh ke arung.

    “Kerita Hilux nya labuh ke arung urung 9 meter ari jalai besai,” ku iya lebuh ke dirandau pengarang berita sehari tu tadi.

    Pengari Bomba ngelansa, asil peresa ba palan eksiden ke nyadi nadai orang (mansa) diripotka mengkang dalam kerita nya.

    Ku iya, sida tiga ke bakal pengudah nya dianjung ke sepital ngambika ulih diperubatka enggau silik agi.

    “Nangkan ke nya, operasyen diketuka urung jam 1.25 lemai,” tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads