Ketegal enda diterima nyadi sulu, siku pelajar lelaki pom satu nguji munuh diri - Berita Iban Online | Laman Web Berita Kitai

Header Ads

  • Baru Nyadi

    Ketegal enda diterima nyadi sulu, siku pelajar lelaki pom satu nguji munuh diri

    MACHAM ULAH PELAJAR JEMAN DIATU: Siku pelajar pom satu nguji muai diri ari tingkat dua ba sebuah begunan sekula di Banting pengudah nemu siku pelajar indu enggai diambi nyadi sulu ati iya.

    KUALA LANGAT: Siku pelajar pom satu nguji muai diri ari tingkat dua ba sebuah begunan sekula di Banting pengudah nemu siku pelajar indu enggai diambi nyadi sulu ati iya.

    Penusah nya nyadi urung jam 12.28 tengah hari tadi, pelajar berusia 13 tahun bertindak demikian difahamkan akibat putus cinta

    Ketuai Polis Pampang Kuala Langat, Superintendan Azizan Tukiman, madah asil pansik tumu, pelajar lelaki beumur 13 taun bisi madahka pengeran ati iya ba siku pelajar indu ari sekula ke sama tang pelajar indu nya enggai nerima iya.

    Ku iya, pelajar indu ke serambau enggau iya nya enggai nerima iya (mansa) laban udah bisi ati enggau pelajar lelaki bukai.

    "Nangkan ke nya, pelajar lelaki nya lemi semengat enggau mutus ati deka munuh diri.

    "Pelajar lelaki nya mega sempat nulis surat enggau madahka kebuah iya deka munuh diri," ku iya lebuh ke dirandau pengarang berita, sehari tu tadi.

    Ku Azizan, nitihka penerang ari pengajar kelas madahka pelajar lelaki nya siku ari pelajar ti manah, imun enggau nadai penanggul disiplin.

    "Pelajar nya semina bakal mimit ba lengan iya enggau udah dianjung ke Sepital Banting ngambika ulih diperubatka enggau silik agi," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads