Header Ads

  • Baru Nyadi

    Ketegal kelalu jenak tinduk, siku lelaki enda nemu sulu ati iya udah nadai

    Gambar pengias.

    PORT DICKSON: Ketegal kelalu jenak tinduk.. Siku lelaki enda nemu sulu ati iya udah nadai ba kondominium ke diibun seduai iya di Teluk Kemang, Port Dickson, pagi kemari.

    Penusah nyadi urung jam 11.25 pagi kemari pengudah raban polis enggau bomba nerima ripot ari bakih mansa.

    Ketuai Polis Pampang Port Dickson, Superintendan Aidi Sham Mohamed, mansa nya dikelala ngena nama Wong Mui Lian, 59 taun, ditemu enda ngeleda ba atas sofa di bilik besai enggau dipechayaka parai ketegal napi penanggul ba jantung. 

    Tang taja pia, ku iya, sulu ati lelaki mansa ti benung tinduk ba dalam bilik enda nemu penusah ke nyadi enggau nadai muka pintu lebuh bala raban ari opis bekuasa ngusung ke kondominium nya.

    “Sebedau nya, mansa ti gawa ba kedai nyual perengka sukan, nadai nurun kereja kemari. Bakih ke sama kereja enggau mansa nguji nganggauka iya ngena talipaun tang enda disaut iya. 

    Nangkan ke nya, bakih ke sama kereja enggau mansa nguji ngabas mansa ba kondominium. Lebuh bakih mansa datai, pintu agi dikunchi enggau sida iya nganggauka polis enggau bomba urung jam 11.25 pagi kemari ngambika ulih nulung muka pintu nya.

    “Seraban polis enggau bomba ngesah ke kondominium nya, Sida iya mecahka pintu ketegal nadai jalai tama ke dalam kondominium nya enggau meda mansa benung ba sofa di bilik besai. Asil peresa silik, mansa diripotka udah nadai,” ku iya lebuh ke dirandau pengarang berita, sehari tu tadi.

    Aidi Sham madah, mansa dipechayaka udah nadai dalam timpuh 24 jam. Asil pansik tumu, nadai bekau jenayah diripotka ba palan penusah ke nyadi.

    Ku iya, asil pansik silik, sulu ati mansa benung jenak tinduk ba dalam bilik enggau dani kenyap pengudah digerak bala ari opis bekuasa ke ngesah kia.

    “Lelaki ke beumur 50-an nya tekenyit pengudah nemu pasal penusah ke nyadi. Iya madahka diri enda nemu utai laban laun pulai kereja enggau enda sempat berandau enggau mansa,” ku iya.

    Bangkai mansa pengudah nya dianjung ke Sepital Port Dickson (HPD) kena bejalaika pengawa buntas tasat enggau asil peresa silik, mansa parai ketegal napi penanggul ba jantung. 

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads