Mai kerita benung mabuk, siku anak mit 10 taun bebadi nyawa, dua bakal - Berita Iban Online | Laman Web Berita Kitai

Header Ads

  • Baru Nyadi

    Mai kerita benung mabuk, siku anak mit 10 taun bebadi nyawa, dua bakal

    KASIH AMAT: Siku anak mit bebadi nyawa, pengudah kena lantak kerita Nissan Sentra di Jalai Kampung Tempasuk 2, urung jam 6.40 pagi tadi.

    KOTA BELUD: Siku anak mit bebadi nyawa, tang dua diripotka bakal pengudah kena lantak kerita Nissan Sentra di Jalai Kampung Tempasuk 2, urung jam 6.40 pagi tadi.

    Ketuai Polis Pampang Kota Belud, Superintendan Mohd. Zaidi Abdullah, madahka anak mit nya (mansa) dikelala ngena nama Max Christty, 10 taun, pelajar Sekolah Kebangsaan (SK) Tempasuk 2, diripotka ngapuska seput kepenudi ba palan eksiden ke nyadi ketegal balat bakal ba pala.

    Ku iya, dua 'mansa' ke bakal dikelala ngena nama Maxryona Masdi, enam tahun, pelajar SK Tempasuk 2 enggau Michelle Marianne, 14 taun, pelajar Sekolah Menengah Kebangsaan Pekan 1 Kota Belud.

    "Asil pansik tumu, deriba kerita nya dipechayaka mabuk lebuh mai kerita enggau ngelantak pelajar sekula ti benung nganti orang ti nganjung sida iya ke sekula ba tisi jalai nya," ku iya lebuh ke dirandau pengarang berita, seharitu tadi.

    Mohd. Zaidi madah, kerita nya tepawah sebedau ngelantak tisi 'konkrit' sebuah rumah ke diempu peranak menua nya.

    'Mansa' ke bakal dibaie ke Sepital Kota Belud sebedau dianjung ke Sepital Queen Elizabeth enggau Sepital Likas Kota Kinabalu.

    Ku Zaidi, deriba kerita (saspek), 54 taun diripotka semina bakal mimit enggau udah ditan polis.

    Kes nya dipansik ari baruh "Seksyen 44(1) Akta Pengangkutan Jalan 1952."

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads