Siku anak mit baru ada ditinggalka ba dalam kutak di sebuah 'surau'
Cari Berita

Advertisement

Siku anak mit baru ada ditinggalka ba dalam kutak di sebuah 'surau'

Frankie John™
March 24, 2019

KASIH AMAT: Anak mit baru ditinggalka ba dalam kutak.

KUANTAN: Asai ati siku staf cleaner jamban deka meresa surau di Pantai Teluk Cempedak pagi ensana (Hari Enam), ngejung ke iya tetemuka siku anak mit lelaki ti diengkah ba dalam kotak ba mua surau nya.

Anak mit nya dipechayaka baru ada enggau tali pusat iya udah ditetak, lebuh ke ditemu Zahidah Abd Rashid (cleaner jamban), 45 taun, urung jam 10 pagi.

"Lebuh aku belabuh gawa pagi nya, ati aku majak ngasuh meresa jamban ke semak surau nya laban deka meresa pintu surau nya udah dikunci tauka bedau," ku Zahidah.

"Ngelamatu aku enda meresa surau dulu tang sehari tu ati aku majak ngasuh aku kia enggau aku berasai enda lantang ati pengudah tetemuka siti kutak ditinggalka ba mua surau nya. 

"Aku bisi ningga utai memunyi datai ari kutak nya. Kada enda orang muai anak mayau ba dalam kutak nya, ku aku bejaku kediri dalam ati. Tang aku tekenyit pengudah aku muka kutak nya enggau meda bisi anak mit ba dalam nya.

"Maya nya semina Tuhan aja nemu bakani asai ati aku, tubuh aku pan nyau begetar enggau takut sebedau aku nganggauka bakih ke sama kereja enggau aku," ku iya lebuh ke dirandau pengarang berita, ensana.

Ku iya, siku ari bakih ke sama kereja enggau iya pengudah nya lalu nganggauka polis enggau ngeripotka bisi anak mit ditemu ba surau nya.

Zahidah ngelansa, iya sempat meresa tubuh anak mit nya enggau anak mit nya nadai nenama semina bisi bekau darah ba endur tali pusat anak mit nya sebedau polis datai ba surau nya.

"Pelabaka aku ti orang ke muai anak mit nya udah kala asuh Teluk Cempedak kitu laban nadai mayuh orang kitu enti maya hari orang kereja. Nya alai, orang nya ninggalka anak mit nya ditu," tandu iya.