Siku bakal, 11 diripotka nadai nenama, bas ekspres tepawah di Kilometer 55 Jalai Tamin-Selangau, tengah malam tadi. - Berita Iban Online | Laman Web Berita Kitai

Header Ads

  • Baru Nyadi

    Siku bakal, 11 diripotka nadai nenama, bas ekspres tepawah di Kilometer 55 Jalai Tamin-Selangau, tengah malam tadi.

    Bas tepawah di Kilometer 55 Jalan Tamin-Selangau, tengah malam tadi.

    SIBU: 12 penumpang bas ekspres ngenggam semengat pengudah bas ekspres ke ditepan sida iya enda ulih dijaga enggau ngejung ke tepawah di Kilometer 55 Jalai Tamin-Selangau, tengah malam tadi.

    Nitihka penerang, eksiden nya nyadi dipechayaka tengah malam tadi, lebuh bas nya dirantau jalai ari Miri nuju ke Kuching.

    Seraban bomba ari Balai Bomba enggau Penyelamat Sibu enggau diuluka PBK II Norhasrita Abd Manan, berumban ngesah ke palan eksiden ke nyadi ngambika ulih bejalaika operasyen nyelamat.

    Lebuh datai ba palan eksiden ke nyadi, Norhasrita madahka siku penumpang bakal tang 11 penumpang enggau deriba bas nya diripotka selamat tauka nadai nenama.

    Nangkan ke nya, lelaki ke bakal nya diberi perubat tumu sebedau dianjung ke Sepital Sibu ngambika ulih diperubatka enggau silik agi," ku iya lebuh ke dirandau pengarang berita, sehari tu tadi.

    Operasyen tembu urung jam 4.03 pagi tadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads