"Asil pansik tumu, apai indu (saspek) kereja nyadi "tukang rumah" nya baru pulai ari kereja urung jam 5.30-6.30 lemai kemari.
"Indu nya (mansa) maya nya benung macha Kitab "al-Quran" sebedau apai iya datai enggau enda mukai-mukai lalu maluk pala 'mansa'," ku iya lebuh ke dirandau pengarang berita, lemai tu tadi. 
Ku Omar Bakhtiar, nangkan ke nya, 'mansa' bakal ba pala tang apai iya nesal ati enggau penusah ke nyadi lalu mantupka pala iya ba dinding rumah enggau ngejung ke iya mega bakal.
"Kelimpah ari nya, 'Saspek" mega diripotka retak ba tulang tapak jari sepiak kiba pengudah iya ngemediska diri empu.
"Polis ngetan 'saspek' di Sepital Parit Buntar lebuh iya diperubatka ba sepital nya tang 'mansa' ke diperubatka ba Sepital Taiping dipindah ke Sepital Raja Permaisuri Bainun, Ipoh ketegal balat bakal," ku iya.
Ku iya, kes dipansik ari baruh "Seksyen 326 Kanun Keseksaan" ketegal mungkal ngemedis tauka nyamah 'mansa'.