Siku indu kena tarit buk, ditampar, disipak, ditendang, dituduh laki iya bisi adung belalai - Berita Iban Online | Laman Web Berita Kitai

Header Ads

  • Baru Nyadi

    Siku indu kena tarit buk, ditampar, disipak, ditendang, dituduh laki iya bisi adung belalai

    Gambar pengias.

    LAHAD DATU: Ukai semina narit buk tang pala bini iya dipalu beberapa kali ngena kasut pengudah nuduh indu nya (mansa) bisi adung belalai.

    Lebuh penusah nyadi urung jam 1.30 pagi kemari di Lahad Datu, indu nya (mansa) benung tinduk ba bilik iya ba kuarters perintah sebedau digerak laki iya.

    Lelaki nya enda mukai-mukai narit buk enggau nendang pala bini iya beberapa kali enggau maya nya laki iya agi ngena kasut operasyen.

    Mansa nguji bediri tang ditendang laki iya ba pala sereta nuduh mansa bisi begulai enggau laki bukai.

    Enda tan enggau ulah ke digaga laki iya (saspek), 'mansa' nguji ngelaban tang iya dipalu laki iya ngena bingkai gambar.

    Nangkan ke nya, mansa beumur 27 taun, diripotka bakal sereta kembai ba pala enggau tubuh iya.

    Pengudah nya mansa ngaga ripot polis.

    Ketuai Polis Pampang Lahad Datu, Asisten Komisioner Nasri Mansor, madahka laki indu nya udah kena tangkap urung jam 10.30 malam ba hari ke sama.

    “Asil pansik tumu, penusah nya nyadi bepun ari saspek cemburu enggau nuduh bini iya bisi begulai enggau laki bukai.

    “Naka kediatu, Saspek, 29 taun direman nyentuk ke 17 Mac tu kena bejalaika pengawa tanya enggau nasat silik,” ku iya sehari tu tadi.

    Kes nya ditasat ari baruh "Seksyen 323 Kanun Keseksaan dan Seksyen 18A Akta Keganasan Rumah Tangga 1994".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads