Header Ads

  • Baru Nyadi

    Siku lelaki bebadi nyawa, kena lantak kerita

    Pendiau motosikal ke ditepan mansa pengudah kena lantak kerita ba palan eksiden ke nyadi.

    SIBU: Siku lelaki bebadi nyawa pengudah motosikal ke ditepan iya kena lantak sebuah kerita di Jalai Rantau Panjang, malam tadi (Hari Tiga).

    Lelaki nya (mansa), 34 taun, dikelala ngena nama Mohd Afendy Ling, kereja kapal, diripotka ngapuska seput kepenudi ba palan eksiden ke nyadi, urung jam 7.00 malam.

    Lebuh penusah nya, mansa nepan motosikal kediri benung dirantau jalai muak ari bulatan Rantau Panjang dipechayaka nguji deka ngelih sebuah motosikal ti datai ari jalai ke sama.

    "Lebuh nguji ngelih, motosikal ke ditepan mansa besengki enggau sebuah motosikal. Nangkan ke nya, motosikal mansa tepawah enggau ngejung ke iya tepelanting ke jalai ngelaban arus sebedau mansa kena lantak sebedau iya kena lantak kerita ke bejalai ngena jalai nya," ku Ketuai Polis Pampang Sibu, ACP Stanley Jonathan Ringgit lebuh ke dirandau pengarang berita, sehari tu tadi.

    Ku iya, dua iku agi nembiak ke besengki motosikal enggau mansa diripotka semina bakal mimit aja. 

    "Asil pansik tumu, eksiden nyadi bepun ari mansa ilap lebuh deka ngelih sebuah agi motosikal," ku Stanley.

    "Kes nya dipansik ari baruh Seksyen 41(1) Akta Pengangkutan Jalan 1987," tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads