Siku lelaki diripotka lenyau pengudah birak ba tebing sungai
Cari Berita

Advertisement

Siku lelaki diripotka lenyau pengudah birak ba tebing sungai

Chief Editor | Berita Iban MY
March 12, 2019

Seraban bomba berumban ngesah ke palan penusah ke nyadi ngambika ulih bejalaika Operasyen Ngiga enggau Nyelamat (SAR).

BINTANGOR: Siku lelaki diripotka lenyau pengudah iya birak ba tebing sungai di Ladang Zumida, kena Hari Minggu tu tadi.

Lelaki nya (mansa) diripotka lenyau pengudah iya nurun birak ba tebing sungai enggau dipechayaka labuh ke sungai sungai nya.

Pengari Operasyen Bomba Sarawak, madah raban bomba bisi nerima ripot bekaul penusah ke nyadi urung jam 4.34 lemai.

Ku iya, seraban bomba berumban ngesah ke palan penusah ke nyadi ngambika ulih bejalaika Operasyen Ngiga enggau Nyelamat (SAR).

“Sebedau raban bomba datai ba palan penusah ke nyadi, bala bakih 'mansa' bisi nguji ngiga iya tang nadai ga temu.

“Berindik ari nya, kaban 'mansa' ngaga ripot polis ba Balai Polis Bintangor ngambika raban polis ulih mantu enggau ngiga 'mansa' nya,” ku iya lebuh ke dirandau pengarang berita, seharitu tadi.

Pengari Bomba ngelansa, naka kediatu lelaki nya apin temu.

Berita tu deka ditandu raban kami (BI) baru, nganti udah bulih penerang ti silik Opis Operasyen Ngiga enggau Nyelamat (SAR) enggau nyentuk ke iya ditemu.