Siku lelaki nguji deka munuh diri ketegal tusah bulih kereja - Berita Iban Online | Laman Web Berita Kitai

Header Ads

  • Baru Nyadi

    Siku lelaki nguji deka munuh diri ketegal tusah bulih kereja

    KASIH AMAT: Lebuh polis datai ba palan penusah ke nyadi, lelaki nya (mansa) diripotka ngachuk diri ngena pisu ba perut.

    KEDAH: Ketegal ngasaika kelalu pedis deka ngidupka diri enggau tusah deka bulih kereja, siku lelaki, 32 taun, kempang ati ngachuk diri empu ngena pisu ba rumah iya empu di Taman Delima, Sungai Petani, sehari tu tadi.

    Ketuai Polis Pampang Kuala Muda, Asisten Komisioner, Adzli Abu Shah, madahka raban polis mujur nagang tauka nyelamatka lelaki nya pengudah nerima ripot ari orang mayuh bekaul enggau penusah ke nyadi, urung jam 1.15 tengah hari tadi.

    “Polis nerima ripot ari orang mayuh madahka lelaki nya dipechayaka nguji deka munuh diri ari kemari.

    “Lebuh penusah nyadi, indai lelaki nya benung bisi ba rumah nya, tang enggau nemu pengawa ke digaga anak iya nya.

    “Lebuh polis datai ba palan penusah ke nyadi, lelaki nya diripotka udah ngachuk diri ngena pisu urung pemanjai 12 sentimeter ba tengah perut iya empu,” ku iya lebuh ke dirandau pengarang berita, sehari tu tadi.

    Ku Adzli, lelaki nya kempang ati ngaga pekara nya dipechayaka tusut runding ketegal tusah bulih kereja.

    “Sebedau tu lelaki nya (mansa) kala muka kedai talipaun binching ba Pekan Lama, Sungai Petani, urung pengelama enam bulan tang diatu udah tutup,” ku iya.

    Ku iya, lelaki nya udah dianjung ke Sepital Sultan Abdul Halim enggau diperubatka ba zon mirah (emergency).

    “Kes nya dipansik ari baruh "Seksyen 309 Kanun Keseksaan" ketegal nguji munuh diri,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads