Header Ads

  • Baru Nyadi

    Siku pengelicha bebadi nyawa, eksiden di Jalai Miri Bypass

    KASIH AMAT: Pendiau ba palan eksiden ke nyadi.

    MIRI: Siku pengelicha indu bebadi nyawa pengudah kerita ke ditepan iya belantak  enggau sebuah kerita di Jalai Miri Bypass semak Simpang Kampung 1 Malaysia, ditu, urung jam 8.30 malam (Hari Lima).

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka indu nya dikelala ngena nama Saloma Emang, 33 taun, orang Bandar Baharu Permyjaya, diripotka ngapuska seput kepenudi pengudah beberapa jam diperubatka ba Sepital Miri.

    "Asil pansik tumu, eksiden nyadi bepun ari sebuah kerita ke ditepan siku lelaki ari Pujut ke jalai Airport. Lebuh datai ba palan eksiden ke nyadi, kerita lelaki nya dipechayaka enda mukai-mukai tama ke jalai ngelaban arus enggau ngejung ke ngelantak kerita ke ditepan indu nya (mansa).

    "Pengudah eksiden nyadi, indu nya diripotka balat bakal enggau dianjung berubat ke Sepital Miri sebedau raban Perubat madahka iya udah enda ulih diselamatka agi lebuh iya diperubatka beberapa pengudah jam ba hari ke sama," kumiya lebuh ke dirandau pengarang berita, sehari tu tadi.

    "Tang siku lelaki, 49 taun, ke ngelantak indu nya semina bakal mimit aja.

    Kes nya agi dipansik ari baruh "Seksyen 41(1) Akta Pengangkutan Jalan 1987". 

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads