Header Ads

  • Baru Nyadi

    4 lelaki ditangkap polis benung chapuh main 'holo' di Bau

    Graphik pengias.

    BAU: Empat lelaki orang ari Kampung Karu, Jalai Puncak Borneo ditangkap polis pengudah ditemu main judi ‘holo’ ba sebuah rumah di Kampung Serikin, ditu, kemari.

    Semua sida iya beumur 27 nyentuk 46 taun ditangkap lebuh benung chapuh main judi urung jam 3.50 lemai kemari.

    Ketuai Polis Pampang Bau, Deputi Superintendan Poge Nyaon, madahka semua sida iya (saspek) ditangkap lebuh abas ngenyit dipejalaika raban Opis Tasat Jenayah IPD Bau ba sebuah rumah di Kampung Serikin.

    "Semua sida ke ditangkap nya, siku lelaki Bidayuh ke dipechayaka nyadi 'chung' enggau tiga iku agi semina nyadi pemain 'nikam' aja," ku iya lebuh ke dirandau pengarang berita, sehari tu tadi.

    "Asil pansik tumu, semua sida ke ditangkap nya nadai rikod jenayah sebedau tu.

    "Tang taja pia, semua perengka guna ke dikena bejudi mega dirampas polis enggau semua  sida iya dibaie ke IPD Bau kena bejalaika nasat silik agi," ku Poge.

    "Kes nya dipansik ari baruh Seksyen 7(2) Akta Rumah Judi Terbuka 1953 enggau enti ditukuka salah ulih kena enda lebih ari RM5,000 tauka dijil enda lebih ari enam bulan tauka dedua nya sekali," tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads