Header Ads

  • Baru Nyadi

    6 April 2019 - Hari Enam ba Minggu Ke-Empat Musim Lent

    GAMBAR: fralfonse

    Bacha Ke Satu: Jeremiah 11: 18 - 20

    TUHAN madahka ngagai aku pasal bala munsuh aku ke bepekat ngelaban aku.

    Aku nyau baka anak domba ti jinak ti dibai pansut lalu disayat, lalu aku enda nemu sida ngaga pelan ti jai kena sida ngelaban aku. 

    Ku sida, “Aram kitai nebang kayu nya kala lebuh iya agi galak. Aram kitai munuh iya, ngambika orang nadai agi ingatka iya.”

    Aku lalu besampi, “TUHAN ti Pemadu Bekuasa, Nuan endang Hakim ti lurus. Nuan ngabas runding enggau ati mensia. Aku udah ngengkahka pekara aku ba jari Nuan. Nya alai, awakka aku meda Nuan malas penyai bala orang tu.”

    Masmur Entara: Masmur 7: 1 - 2, 8BC - 9, 10 - 11

    Saut (1a): O TUHAN Allah Taala aku, aku ngenduh ngagai Nuan.

    Ke Satu
    O TUHAN Allah Taala aku, aku ngenduh ngagai Nuan; 
    Selamat lalu lepaska aku ari semua orang ke begagaika aku,
    enggai ke sida nyarikka aku baka singa, 
    narit aku, lalu nadai orang ngelepaska aku.

    SautO TUHAN Allah Taala aku, aku ngenduh ngagai Nuan.

    Ke Dua
    Akim meh aku, O TUHAN, 
    nitihka pengelurus aku nitihka pemetul ati aku.
    Awakka penyai orang ke jai abis magang, 
    tang awakka Nuan ke lurus, 
    Nuan ke meresa semua runding enggau ati, 
    nyadi Allah Taala ti lurus.

    SautO TUHAN Allah Taala aku, aku ngenduh ngagai Nuan.

    Ke Tiga
    Allah Taala endang terabai aku. 
    Iya nyelamatka orang ke lurus.
    Allah Taala endang Hakim ti lurus, 
    Allah Taala seruran ngukum orang ke jai.

    SautO TUHAN Allah Taala aku, aku ngenduh ngagai Nuan.

    Aklamasi sebedau Injil (peda Luke 8: 15):

    Beberekat meh orang ke ninga pesan, 
    lalu ngingatka iya dalam ati ti manah sereta ngasi, 
    lalu sida bebuah enggau ati ti liat sereta tan.

    Bacha Injil: John 7: 40 - 53

    Lebuh sida ninga jaku nya, sekeda sida ke dalam tekang bala mayuh nya lalu bejaku, “Iya tu amat nabi nya!”

    Ku sida ti bukai, “Iya tu Kristus!” Tang ku sekeda orang bukai, “Nadai patut Kristus datai ari Galili?

    Ukai enda Bup Kudus madahka Kristus nya peturun David, lalu datai ari Betlehem, nengeri ti udah alai David diau kelia?”

    Nya alai orang mayuh beserekang penemu pasal Iya.

    Sekeda sida deka nangkap Iya, tang nadai siku sida terengkah jari ba Iya.

    Bala pemesai pulai baru ngagai bala tuai imam enggau orang Parisi, ke lalu nanya sida, “Nama kebuah kita enda nangkap Iya?”

    Ku bala pemesai nyaut, “Nadai orang udah kala bejaku baka nya!”

    Orang Parisi lalu nyaut sida, “Kati kita empu udah mega kena tipu Iya?

    Kati bala tuai tauka orang Parisi bisi udah arapka Iya?

    Tang bala sida tu, ke enda nemu Adat Moses, ditinggang sumpah.”

    Nikodimus, ke udah betemu enggau Jesus dulu ari nya, siku ari raban sida, lalu nanya sida, “Kati Adat kitai ngasuh kitai ngakim orang sebedau kitai mendingka iya lalu mansik utai ti dikereja iya?”

    Sida lalu nyaut iya, “Kati nuan datai ari Galili baka Iya? Pansik dalam Bup Kudus, nya baru nuan nemu, nadai nabi deka datai ari Galili.”

    Sida lalu pulai.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads