Hilux polis tepawah, Lans Koperal bebadi nyawa
Cari Berita

Advertisement


Hilux polis tepawah, Lans Koperal bebadi nyawa

Staf @beritaibanMY
April 15, 2019

KASIH AMAT: Jackie (gambar mit) diripotka bebadi nyawa ba palan penusah ke nyadi ketegal balat bakal ba pala.

KUANTAN: Siku raban polis bebadi nyawa kerita Hilux Opis Kontinjen (IPK) Terengganu ke ditepan iya tepawah di kilometer 220.1 Lebuhraya Pantai Timur (LPT), ditu, kemari. 

Ketuai Opis Tasat enggau Penguasa Trafik Pahang, Supt Kamarulzaman Jusoh, madahka Lans Koperal Jackie Patan, 32 taun, ari 'Unit Anjing Pengesan' (K9) IPK Terengganu, ngapuska seput kepenudi ba palan eksiden ke nyadi urung jam 1 tengah hari nya.  

Ku iya, Ketuai Seksyen K9 IPK Terengganu, Sarjan P. Abimannan, 58 taun, ti duduk ba luan penuduk penumpang nya diripotka bakal mimit enggau dianjung berubat di Sepital Tengku Ampuan Afzan (HTAA), ditu. 

"Eksiden dipechayaka nyadi lebuh mansa benung dirantau jalai ari nuju ke Kuala Lumpur enggau ngelantak jalai ti bisi ai betimbun enggau ngejungka kerita ke ditepan iya tepawah ke tisi jalai sepiak kiba," ku iya lebuh ke dirandau pengarang berita, sehari tu tadi.

Ku Kamarulzaman, pemarai Jackie (mansa), orang ari Bintangor, Sarawak ketegal balat bakal ba pala.

Kes nya dipansik ari baruh Seksyen 41(1) Akta Pengangkutan Jalan 1987.