Header Ads

  • Baru Nyadi

    Pelajar ngitang diri, enda diasuh main game PUBG

    Gambar pengias.


    INDIA: Ringat ketegal enda diasuh main game PlayerUnknown’s Battlegrounds (PUBG) ba talipaun binching, siku pelajar, 16 taun, kempang ati ngitang diri ba kipas siling dalam bilik.

    Niitihka ripot ke dipansutka Indian Express, penusah nyadi kena pun bulan tu tadi (1 April 2019), pengudah indai iya ngasuh pelajar nya badu main PUBG enggau fokus ke belajar laban pagila sida iya peresa (exam) di sekula.

    Pengari Polis Malkajgiri, Sub Inspektor K Sanjeeva Reddy, madahka pelajar nya, dikelala ngena nama Kallakuri Sambashiva, ringat lalu tama ke dalam bilik enggau ngitang diri ngena kain ba kipas siling.

    Bala ke sebilik enggau mansa berumban nganjung iya ke sepital tang mansa udah enda ulih diselamatka agi tauka udah nadai.

    Ku polis, sekula private ti endur pelajar nya sekula benung bisi peresa (exam), enggau bisi siti agi subjek peresa bedau ditembuka iya.

    Media India ngeripotka ba beberapa bandar di Gujarat udah enda tau (banned) main game nya ketegal game nya ulih ngasuh pelajar jampat ringat tauka nganu enggau pelajar ilap tauka mantul lebuh dalam sekula. 

    Press Trust of India madahka, mayuh udah raban seati deka banned game nya, kelebih agi pengudah dua lelaki beumur 20-an parai kena lantak kerita lebuh benung rindang main game PUBG semak jalsi kerita api (Train)di Maharasthra, bulan March 2019.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads