Pesan nuju bala anembiak sekula ti udah ambis Pom 5, STPM
Cari Berita

Advertisement

Masukkan iklan banner 970 X 90px di sini

Pesan nuju bala anembiak sekula ti udah ambis Pom 5, STPM

Staf @beritaibanMY
Tuesday, April 16, 2019

Gambar pengias
Tabi bala pemacha @beritaibanMY, ke sekali tu kami deka bekunsi artikel ti chukup manah ditulis Pengajar Chelaes Dickson Sylvester ba facebook iya.

Ba artikel ke ditulis pengajar Chelaes, iya ngajar sereta ngelalau bala anembiak sekula ti udah ambis Pom Lima (SPM) tauka STPM ngambika bala anembiak enda berumban lebuh ngaga pemutus enggau besainka pom tauka dokumen.

Ku iya, enti nyema kita bisi dikanggauka nurun interbieu nengah kanggau  talipaun binching tauka mesej tauka WhatsApp ari agensi tauka individu madahka kita udah dipilih (Berjaya Terpilih) bulih biasiswa pengajian/kursus tauka bulih pengawa puang, anang guai berumban. 

"Tau nanya dulu ba bala ke tuai, kelebih agi anang malu betanya ba bala pengajar kita. Pansik enggau silik dulu agensi ti nganggau ke kita nya. Laban mayuh agensi (tidak sah berdaftar) tauka individu ti nyaru, ngembuan ati ti enda manah tauka nguji deka beambi ari bala anembiak ke baru ambis sekula Pom Lima enggau STPM.

"Enti nyema nuan deka nurun mega, nadai ga salah enti nuan deka ningaka bakani penemu sida iya (agensi). Tang anang guai berumban ngaga pemutus nyanggup, besain ke sebarang pom tauka dokumen. 

"Kelebih agi enti sida iya ngasuh nuan bebayarka yuran dulu, nya nyata enda betul. 

"Mayuh kes bakatu nyadi. Aku enggaika kitai nyadi mansa ngapa. Kita nadai minta ari laman web rasmi, nadai surat kanggau rasmi, tang dikangau nurun interview. Bisi utai ti enda betul dia. Sama betesau, bela bejaga," ku ngelalau bala anembiak sekula ari nyadi mansa orang ti ngembuan ati enda manah tauka kena kelakar orang.

Nangkan ke nya, bisi siku indu ke ngena KateChello Jackson nyaut artikel ke dipansutka pengajar Chelaes nya.

"Setuju cikgu 👍. Laban Opis kami (Suruhanjaya Perkhidmatan Awam Negeri Sarawak) pan bisi ditanya orang mayuh bekaul enggau pekara tu," ku KateChello.

"Opis kami mega bisi meri bantuan pendidikan ngagai anak sarawak. Tang deka dibuka maya bulan august tu ila.

"Tau nyikap diri bala anembiak tauka apai indai laban enti kitai enda minta, enda patut temu ngasuh kitai nurun interbieu. Berupai amat bula!.

Ku iya, udah opis kami nemu sida bekenaka nama biasiswa perintah negeri, alu ditukar sida iya wording "SMS" sida iya.

"Anang kelalu jampat nyanggup alu bebayar. Nadai biasiswa ngasuh kitai bebayar sema iya amat," tandu iya.

Berebak enggau nya, kami ari @beritaibanMY mai bala pemacha sama bela besadungka artikel tu ngambika semua bala anembiak sekula meretika utai ti dipadahka pengajar Chelaes enggau KateChello. Ngarapka sida iya enda nyadi mansa orang ti ngembuan ati enda manah tauka nguji deka ngelakar sida iya. Tuhan merekat semua.. 🙇‍♂️🙇‍♀️