Polis benung ngiga dua lelaki ke dipechayaka enchuri di Tudan
Cari Berita

Advertisement

Polis benung ngiga dua lelaki ke dipechayaka enchuri di Tudan

Chief Editor | Berita Iban MY
April 28, 2019

TENAKO-NAKO: Dua lelakk (saspek) benung ngambi kutak ari sebuah Hilux ba palan penusah ke nyadi.

MIRI: Polis udah ngelala dua lelaki ti dipechayaka enchuri empat kutak ti bisi mayuh macham perengka guna ti diengkah ba belakang sebuah Hilux di paking kerita, di sebuah shopping mall di Tudan, ditu, kemari.

Ketuai Polis Pampang Miri, ACP Lim Meng Seah, madahka rqban polis diatu benung bejalaika pengawa deka nangkap dua lelaki nya (saspek).

Credit: @Berita Iban Online

"Rikod kamera belalai (CCTV) udah nyata, dua saspek nya ngambi empat kutak ari Hilux nya enggau nangkut kutak nya ngagai sebuah agi kerita sebedau mindah ari palan nya.

"Berebak enggau nya, sepasang laki bini (mansa) udah napi pengerugi urung pengampau RM550," ku iya lebuh ke dirandau pengarang berita, sehari tu tadi.

Ulah ti digaga dua saspek nya tebantai urung jam 1.30 tengah hari kemari, pengudah sepasang melaki bini nya meda kimis ti dikena seduai iya nutup belakang Hiluk nya tebuka.

Kes dipansik ari baruh Seksyen 379 Kanun Keseksaan.