Header Ads

  • Baru Nyadi

    Rumah panjai Uma Bawang angus, siku betu, 407 orang nadai palan endur ngenduh

    Berita ke dipansutka @beritaibanMY lemai kemari.

    BELAGA: Opis Bomba enggau Penyelamat Malaysia (JBPM) Bintulu, madahka urung penyampau 407 orang nadai palan endur ngenduh pengudah rumah panjai sida iya di Uma Bawang, Sungai Koyan, di Skim Penempatan Semula Sungai Asap angus lengis diempa api, lemai kemari.

    Ketuai Balai Bomba enggau Penyelamat Bintulu, Mohamad Meramit, madah semua sida (mansa) nya orang ti ngibun dua rumah ari lima blok rumah panjai di Uma Bawang.

    “Urung penyampau 198 orang nya ari blok D tang 209  orang agi mansa ari blok E. 

    Penusah angus dipechayaka nyadi bepun ari salah sebuah bilik di blok D,” ku iya lebuh ke dirandau pengarang berita, sehari tu tadi.

    Ku iya, semua mansa mujur nyelamatka diri lebuh penusah angus nyadi tang siku indu tuai, 70 taun, diripotka betu ba belakang lebuh nguji tama enggau deka ngambi perengka guna iya ba dalam rumah panjai nya.

    Mansa udah dianjung ke Sepital Bintulu ngambika ulih diperubatka enggau silik agi.

    Ku iya, naka kediatu, semua mansa diau tauka ngenduh sementara ba rumah bala ke semak ti diau ba tiga agi blok rumah panjai nya.

    Tandu iya, kebuah penusah angus nyadi enggau penyampau pengerugi agi dipansik.

    Operasyen diketuka urung jam 2.21 pagi tadi.





    KASIH AMAT: Api benung nyelarai ba palan penusah angus ke nyadi. Ngarapka sida ke napi penguji tu ulih besabar.
    BINTULU: Urung 30 pintu bilik ari dua blok rumah panjai di Uma Bawang di Skim Penempatan Semula Sungai Asap Belaga, semina tinggal gari ba tubuh pengudah rumah panjai ke diuan sida iya angus lengis diempa api, sehari tu tadi.



    Ketuai Balai Bomba enggau Penyelamat Bintulu, Mohamad Meramit, madahka bisi nerima ripot bekaul enggau penusah ke nyadi urung jam 6.03 lemai tadi.

    Kemari @beritaibanMY bisi ngeripotka berita bekaul tu tau dibacha nuan ba ditu: Rumah panjai Uma Bawang di Sungai Asap angus.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads