Header Ads

  • Baru Nyadi

    Siku lelaki bebadi nyawa, motosikal tepawah, kena lantak kerita ti entudi iya

    KASIH AMAT: Pendiau motosikal mansa (kiba), kerita ke ngelantak mansa (tengah) enggau gambar mansa (kanan).

    KUCHING: Siku lelaki bebadi nyawa pengudah motosikal ke ditepan iya eksiden ba semak Klinik Kota Sentosa, Batu 7 Jalai Stakan, ditu, malam tadi (Hari Enam).

    Eksiden nyadi urung jam 8.30 malam tadi, lelaki nya (mansa) dikelala ngena nama Abdul Amirullah Aziz, 20, orang ari Kampung Segedup, Jalai Batu Kawa.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka mansa balat bakal ba pala enggau diripotka ngapuska seput kepenudi ba palan eksiden ke nyadi urung jam 8.50 malam.

    "Asil pansik tumu, motosikal ke ditepan mansa benung bejalai lurus ari pasar Batu Tujuh nuju ke Stakan enggau enda memukai motosikal ke ditepan iya (mansa) enda ulih dijaga enggau ngejungka iya tepawah.


    "Mansa pengudah nya labuh ba jalai alun enggau tekala nya mega mansa kena lantak sebuah kerita MPV ti entudi mansa ari jalai ke sama," ku iya lebuh ke dirandau pengarang berita, sehari tu tadi.

    Alexson ngelansa, berindik ari motosikal mansa tepawah enggau kena lantak sebuah agi kerita ti deka pansut ari simpang jalai Stakan. 

    Bangkai mansa udah dianjung ke Sepital Besai Sarawak kena bejalaika pengawa buntas tasat. 

    "Kes nya dipansik ari baruh Seksyen 41(1) Akta Pengangkutan Jalan 1987," tandu iya. 

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads