Header Ads

  • Baru Nyadi

    Siku lelaki bebadi nyawa, ngelantak belakang lori di Batu 40, Jalai Sibu - Bintulu

    KASIH AMAT: Mansa (gambar mit kanan) diripotka ngapuska seput lebuh iya diperubatka kepenudi ba Klinik Selangau.

    SIBU: Siku lelaki bebadi nyawa pengudah kerita ke ditepan iya ngelantak belakang lori di Batu 40, Jalai Sibu-Bintulu, sehari tu tadi.

    Penusah nyadi urung jam 6.15 pagi tadi, mansa ke bebadi nyawa nya dikelala ngena nama Tading Renang, 28 taun, orang ari Rumah Jarau Sungai Kua, Selangau.

    Ketuai Polis Pampang Mukah, DSP Jimmy Panyau, madahka asil pansik tumu, mansa ti deriba kerita Viva dipechayaka enda memukai ngelantak belakang lori ke ditepan siku lelaki, 26 taun, ti benung dirantau jalai ari Bintulu nuju ke Sibu.

    Ku iya, mansa pengudah nya dianjung orang mayuh ke Klinik Selangau ngambika ulih diperubatka enggau silik agi.

    "Tang taja pia, mansa diripotka ngapuska seput kepenudi lebuh diperubatka ba Klinik Selangau, tang dideriba lori nya selamat tauka nadai nenama," ku iya lebuh ke dirandau pengarang berita, sehari tu tadi.

    Jimmy ngelansa, bangkai mansa udah dianjung ke Sepital Mukah kena bejalaika pengawa buntas tasat.

    Kes dipansik ari baruh Seksyen 41 (1) Akta Pengangkutan Jalan 1987.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads