Siku lelaki diripotka lenyau, ditemu nadai nenama
Cari Berita

Advertisement

Siku lelaki diripotka lenyau, ditemu nadai nenama

Chief Editor | Berita Iban MY
April 26, 2019

Kawas udah temu
PUJI TUHAN: Kawas benung duduk (segala) ditemu selamat, tengah hari tadi.

LAWAS:  Siku lelaki, orang ari Long Sukang ti diripotka lenyau pengudah nurun ngasu Hari Tiga minggu tu tadi, ditemu selamat tengah hari tadi.

Ketuai Balai Bomba enggau Penyelamat (BBP) Lawas, Zaki Husin, madahka lelaki ke lenyau nya dikelala ngena nama Kawas Meripa, 46 taun, ditemu peranak menua nya enggau nadai nenama tauka selamat, urung jam 12.00 tengah hari tadi.

"Empat iku raban bomba ngambi awak sejam setengah ari BBP Lawas deka datai palan penusah ke nyadi.

"Lelaki nya ditemu peranak menua nya ti ngiga iya ba endur Simpang Stamping Berayong enggau lalu mai lelaki nya ke Sepital Lawas ngambika ulih diperesa silik agi," ku iya lebuh ke dirandau pengarang berita, sehari tu tadi.

"Peranak menua nya ngena chara maluk tawak (adat lama) lebuh ngiga lelaki nya," ku iya.

"Urung penyampau 50 iku genturung pendiau ari Long Sukang enggau Long Semadoh, nurun ngiga lelaki nya," tandu iya.