Header Ads

  • Baru Nyadi

    Siku lelaki ti diripotka lenyau kemari, ditemu parai lemas

    KASIH AMAT: Raban SAR ngatung bangkai mansa (graphik mit sepiak kanan)

    TATAU: Siku lelaki ti diripotka lenyau kemari ditemu parai lemas di sungai semak Jematan Kuala Tatau, ditu, sehari tu tadi.

    Lelaki nya (mansa) dikelala ngena nama Zainudin Lili, 46 taun, ditemu raban Operasyen Ngiga enggau Nyelamat (SAR) urung jam 11.30 pagi tadi.

    Penga4i Operasyen Bomba Sarawak, madahka lelaki nya ditemu urung penyauh 2 kilometer ari Jematan Kuala Tatau.

    Ku iya, bangkai lelaki nya dibaie ke Jelatung LKIM Kuala Tatau dulu.

    “Pengudah nya, bangkai lelaki nya disuakka ngagai raban polis kena bejalaika pengawa silik agi,” ku iya lebuh ke dirandau pengarang berita, sehari tu tadi.

    Berebak enggau nya, pengari polis mega madahka raban sida iya bisi nerima ripot bekaul enggau bangkai lelaki nya udah ditemu.

    “Naka kediatu, kes nya ditukuka nyadi parai ngenyit,” ku iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads