Header Ads

  • Baru Nyadi

    Siku orang tuai bebadi nyawa, eksiden di KM19.8, Jalai Bau-Lundu

    KASIH AMAT: Mansa (gambar mit kiba) diripotka ngapuska seput kepenudi ba palan eksiden ke nyadi ketegal balat bakal ba pala.

    BAU
    : Siku lelaki orang tuai bebadi nyawa pengudah van ke ditepan iya eksiden di KM19.8, Jalai Bau-Lundu, ditu, sehari tu tadi.

    Lebuh penusah nyadi urung jam 8.30 pagi tadi, siku lelaki (mansa), Jikem anak Jaiee, 66 tau, orang ari Stungkor, diripotka ngapuska seput kepenudi ba palan eksiden ke nyadi ketegal balat bakal.

    Ketuai Opis Tasat enggau Penguasa Trafik Sarawak, Supt Alexson Naga Chabu, madahka sebedau penusah nyadi mansa benung dirantau jalai ari Stungkor nuju ke pasar Bau.

    Ku iya, lebuh datai ba palan eksiden ke nyadi, van ke ditepan mansa dipechayaka enda memukai tepawah lalu labuh ke tisi jalai nya.

    “Berindik ari eksiden nya van ke ditepan mansa telentang, enggau mansa diripotka balat bakal ba pala,” ku iya lebuh ke dirandau pengarang berita, sehari tu tadi.

    Alexson ngelansa, orang mayuh ti bisi meda eksiden ke nyadi tauka mansak jalai nya lalu nganggauka polis ngambika ulih bejalaika pengawa silik agi.

    Ku iya, bangkai mansa udah dianjung ke Sepital Bau kena bejalaika pengawa buntas tasat.

    “Kes dipansik ari baruh Seksyen 41 (1) Akta Pengangkutan Jalan 1987,” tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads