Header Ads

  • Baru Nyadi

    Staf JPJ bebadi nyawa, eksiden di Jalai Lundu - Bau

    KASIH AMAT: RIP Rokeo Andrew Achin.. šŸ˜­

    LUNDU: Siku staf Opis Perengka Pengangkut Darat (JPJ) bebadi nyawa pengudah eksiden  di Kilometer 15, Jalai Lundu-Bau, urung jam 3 pagi tadi.

    Ketuai Opis Tasat enggau Penguasa Trafik (JSPT) Sarawak, Superintenden Alexson Naga Chabu, madahka staf JPJ nya (mansa) dikelala ngena nama Rokeo Andrew Achin, 40 taun, orang ari Kampung Senibong.


    Ku iya, eksiden nyadi bepun ari mutusikal ke ditepan staf JPJ nya enda ulih dijaga enggau ngejung ke iya tama ke jalai ngelaban arus sebedau iya kena lantak sebuah kerita.


    "Deriba kerita nya nguji nyeliah ari ngelantak staf JPJ nya tang enda sempat lalu ngejung ke ngelantak staff JPJ nya.


    "Pengudah eksiden nyadi, staf JPJ nya diripotka ngapuska seput kepenudi ba palan eksiden ke nyadi ketegal balat bakal. 


    "Tang deriba kerita nya diripotka selamat tauka nadai nenama," ku iya lebuh ke dirandau pengarang berita, sehari tu tadi.


    "Bangkai staf JPJ nya dianjung ke Sepital Lundu kena bejalaika pengawa buntas tasat.


    "Dua entuka ti bekait enggau eksiden ditan ba Balai Polis Pampang Lundu (IPD) Lundu laban deka diperesa ba Puspakom," ku Alexson.


    Kes nya dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads