Header Ads

  • Baru Nyadi

    15 May 2019 - Hari Tiga ba Minggu Ke-empat Musim Paska

    15 May 2019 - Hari Tiga ba Minggu Ke-empat Musim Paska

    Bacha Ke Satu: Surat Pasal Kereja Rasul 12: 24 - 13: 5A

    Jaku Allah Taala majak ngelekai lalu mayuh orang arap.

    Lebuh Barnabas seduai Saul udah nembuka pengawa seduai iya, seduai iya lalu pulai ngagai Jerusalem, mai John ke mega dikumbai Mark enggau seduai iya.

    Nyadi eklisia di Antiok bisi nabi enggau pengajar: Barnabas, Simeon ke dikumbai Niger, Lusius ari Sairin, Manain ke pangan Herod,  enggau Saul.

    Lebuh sida benung nyembah Tuhan sereta bepasa, Roh Kudus bejaku ngagai sida, “Pilih ke Aku Barnabas seduai Saul ke udah dikangauka Aku ngereja pengawa ti diasuh Aku kereja seduai iya.”

    Lebuh sida udah bepasa sereta besampi, sida lalu ngengkahka jari sida atas seduai iya, lalu ngasuh seduai iya mupuk Di Saiprus.

    Nya alai, ari asuh Roh Kudus, Barnabas seduai Saul mupuk ngagai Seleusia, lalu ari nya seduai iya belayar ngagai pulau Saiprus.

    Lebuh seduai iya datai di Salamis, seduai iya lalu madahka jaku Allah Taala dalam berapa buah balai gempuru orang Judah.

    Masmur Entara: Masmur 67: 1 - 2, 4, 5 & 7

    Saut (peda 4): Awakka semua bansa muji Nuan, O Allah Taala!

    Ke Satu
    Allah Taala, kasihka kami lalu berekatka kami.
    Peda meh kami enggau penelap Nuan,
    ngambika semua dunya nemu peneka Nuan,
    lalu semua bansa nemu pengelepas Nuan.

    SautAwakka semua bansa muji Nuan, O Allah Taala!

    Ke Dua
    Awakka semua bansa lantang lalu belagu gaga ati,
    laban Nuan ngakim semua bansa enggau pengelurus
    lalu ngiring genap bengkah bansa di dunya tu.

    SautAwakka semua bansa muji Nuan, O Allah Taala!

    Ke Tiga
    Awakka semua bansa muji Nuan, O Allah Taala.
    Awakka semua bansa muji Nuan!
    Allah Taala udah merekatka kami.
    Awakka semua bansa di semua endur ngemesaika Iya.

    SautAwakka semua bansa muji Nuan, O Allah Taala!

    Alleluia (peda John 8: 12)

    Alleluia, alleluia.
    Aku tu penampak dunya, ku TUHAN;
    Barang sapa nitihka Aku, deka ngembuan penampak ti meri pengidup.
    Alleluia.

    Bacha Injil: John 12: 44 - 50

    Jesus lalu bejaku enggau nyawa ti inggar, “Barang sapa arapka Aku, ukai arapka Aku, tang arapka Iya ke ngirumka Aku.

    Lalu barang sapa meda Aku, meda Iya ke ngirumka Aku.

    Aku udah datai nyadika penampak dunya, ngambika semua orang ke arapka Aku enda agi diau dalam pemetang.

    Aku enda ngakim orang ke ningaka pesan Aku, lalu enda ngasika pesan nya, laban Aku ukai datai ngakim dunya, tang nyelamatka dunya.

    Orang ke nulak Aku, lalu enda nerima pesan Aku, bisi siku hakim.

    Ba pengujung dunya, jaku ti udah disebut Aku deka nyadi hakim sida, laban Aku ukai bejaku ari peneka Aku Empu, tang Apai ke ngirumka Aku udah meri Aku pesan pasal utai ti enda tau enda disebut Aku.

    Lalu Aku nemu, pesan Iya meri pengidup ti meruan belama iya.

    Nya alai, Aku semina nyebut utai ti diasuh Apai.”

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads