Header Ads

  • Baru Nyadi

    Empat 'apai nyamun' nyerungkai sebuah rumah di Padawan pagi tadi

    Bilik pangking pengajar nya pengudah diserungkai empat saspek nya.

    PADAWAN: Siku pelajar indu, apai enggau indai iya kesal sereta takut pengudah ditanchang empat iku lelaki ngena tali wayar pengecas talipaun binching enggau baju kurung ba rumah ti diibun sida iya di Beratok, Padawan, 3.10 pagi tadi.

    Lebuh penusah nyadi pengajar indu, 36 taun, benung tinduk segulai enggau indai iya tang apai iya tinduk kediri ba bilik pangking siti agi.

    Ketuai Polis Pampang Padawan, Superintendan Aidil Bolhassan, madahka empat lelaki ke nyerungkai ke rumah pengjar nya bisi mai pisu enggau tama nengah jendila dapur.

    Ku iya, tiga saspek ngena tupeng tang siku agi semina ngena selapuk aja.

    “Ku pengajar nya, semua saspek ngena baju lengan panjai chelum, tanchut panjai chelum enggau bisi ngena sarung jari.

    “Empat saspek nya udah nabanka sebuah kerita Nissan Almera chura burak, iPhone 5s, Ipad, rantai emas, tinchin emas, talipaun binching Huawei, I-Watch enggau duit RM2, 000,” ku iya lebuh ke dirandau pengarang berita, sehari tu tadi.

    Ku Aidil, taja pia, pengajar indu nya enggau apai indai iya diripotka selamat tauka nadai nenama.

    “Naka kediatu, kerita pengajar indu nya udah ditemu raban polis ba kebun Tebedu, Serian, urung jam 6 pagi tadi.

    “Kes nya agi dipansik ari baruh Seksyen 395 dan 397 Kanun Keseksaan,” tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads