Header Ads

  • Baru Nyadi

    Siku bebadi nyawa, empat bakal, eksiden di Jalai Baru, Sematan

    KASIH AMAT: Raban bomba benung bejalaika operasyen ba palan penusah ke nyadi.

    KUCHING: Siku lelaki bebadi nyawa tang empat bakal pengudah kerita Proton Iswara ke ditepan sida iya enda ulih dijaga lalu ngejungka tepawah di Jalai Baru, Sematan, tumu pagi tadi.

    Pengari Opis Operasyen Bomba Sarawak, madahka lelaki bebadi nyawa nya dikelala ngena nama David Dillon Anton, 19 taun, orang ari Kampung Bunga Raya, Simunjan.

    Ku iya, siku ari mansa mujur mansutka diri tang tiga mansa tepelanting ke tisi jalai ba palan eksiden ke nyadi.

    "Siku agi mansa mengkang ba endur penuduk belakang kerita nya.

    "Mansa ke mengkang ba dalam kerita nya mujur dipansutka raban bomba ngena perengka nyelamat," ku iya.

    "Tang taja pia, raban perubat ti bisi datai ngesah ba palan eksiden ke nyadi, madahka lelaki udah enda ulih diselamatka agi tauka udah nadai ketegal balat bakal," ku iya lebuh ke dirandau pengarang berita, sehari tu tadi.

    "Empat mansa ke bakal nya udah dibaie ke Sepital Lundu ngambika ulih diperubatka enggau silik agi," tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads