Header Ads

  • Baru Nyadi

    Siku lelaki bebadi nyawa, kena tangkap karan di Taman Indah

    KASIH AMAI: Raban APM benung ngatung Wollbert (gambar mit) ke dalam Van APM sebedau dibaie ke Sepital Sibu.

    SIBU: Siku staf kontrak kompeni telekomunikasyen bebadi nyawa pengudah kena tangkap karan lebuh iya masang tali karan di Taman Indah, Jalai Teku, kemari, Hari Enam.

    Nitihka penerang ke diterima @beritaibanMY,  lelaki ke bebadi nyawa nya dikelala ngena nama Woolbert Jadam Enjup, 37 taun.

    Lebuh penusah nyadi urung jam 4.30 lemai kemari, lelaki nya ditemu enda ngeleda pengudah kena tangkap karan lebuh iya masang tali karan di Taman Indah, Jalai Teku.

     Lelaki nya ditukuka ngapuska seput kepenudi di Unit Emergency enggau Trauma Sepital Sibu.

    Ketuai Polis Pampang Sibu, ACP Stanley Jonathan Ringgit, madahka raban polis bisi nerima kanggau ari 'Pondok Polis Sepital Sibu' dimaklumkan oleh pegawai perubatan erhubung kematian mangsa.


    "Asil pansik tumu, lelaki nya enggau beberapa iku staf benung masang tali karan di Taman Indah, Jalan Teku enggau maya nya mega lelaki nya kena tangkap karan," ku iya lebuh ke dirandau pengarang berita, sehari tu tadi.

    Ku Stanley, bangkai lelaki nya deka dibuntas tasat pagila (Hari Satu).

    "Kes nya ditukuka nyadi Parai Ngenyit (SDR)," tandu iya.



    Nangkan ke nya, kami deka ngenataika Jaku Pesan Pemati ke diterima kami ari TR Enjup Anak Manja.

    Aku Tr Enjup Anak Manja, ngarika kami sebilik madahka pemati anak aku Woolbert Jadam ak Enjup ari Tanjong Taroh Lama Balingian.

    Nyadi aku deka mesanka bala kaban belayan di Ulu Batang Balingian, Pelugau, Kemena,

    bala kaban belayan di Bedengan,

    kaban belayan di Sg Bawang, RH Jarau, Rh Sawan, RH Jamit Kuala balingian.

    Bala kaban belayan di pasai boon sibu, RH linggi, RH Jimin, RH Jefri, sida tu ba lubuk bukut balingian.

    Kaban belayan RH Bala, Sg Bulok,

    Tr Anyie sebilik, Sg Bulok Selangau.

    Aya Ding di baram, RH James sebom.

    RH Counselor Paing, RH Ansi di Sg Sepiring,

    RH Akat Sg Arang,

    Indai Gadoh RH Ensela,

    sida Indai awing sebilik sg nirai selangau, bala kaban belayan di RH Bundan jalai Mukah selangau.

    Limbor @ Apai Banyi sebilik ba Serudit Betong.

    Sereta kaban belayan ia kebukai ti enda alah dirintaika magang.

    Nyadi Pesan tu, minta kita ke dipesan tu datai magang ngagai Rumah Panjai aku Tr Enjup Anak Manja Tanjong Taroh Lama Balingian, Selangau.

    Jaku Tangkan:

    • Kemaya nganjung tauka nguburka niang apin temu enggau nganti penatai bala mayuh laban bangkai niang agi di Sepital Sibu. 
    • Penerang ti silik tau betalipaun ngagai aku ngena lumur 019-7602026 (Tr Enjup) 



    Kami ari Raban Berita Iban Online tauka BeritaIban.com, meri penyinu ati ngagai semua sida sepintu bilik enggau niang (Woolbert Jadam Enjup).

    Berebak enggau nya, kami ngarapka semua bala ke sepintu bilik enggau niang ulih ngeringka ati napi penguji tu.

    Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua belama.

    Petara sigi ngibun sereta ngintu iya ba pengidup ti baru din. Besampi ngagai Allah Taala ti pemadu bekuasa awakka semengat niang begulai manah enggau iya di Serega.. 🙏



    JAKU TANGKAN: Tau dikunsi (share) ba Facebook, Whatsapp tauka media rama kebukai, ngambika semua kaban belayan ke dipesanka ulih datai enggau nemu pasal "Pesan Berat tauka Pesan Pemati" tu.

    Terima kasih bala pemacha semua laban udah nulung sereta besaup betesauka pesan tu. Tuhan merekat semua kitai..

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads