Bisi lesen nyabung manuk?
Cari Berita

Advertisement

Bisi lesen nyabung manuk?

Chief Editor | Berita Iban MY
July 29, 2019

GRAPHIK PENGIAS: Dua iku manuk benung bebintas?

KOTA KINABALU: Kepala Menteri Sabah enda kala ngemendarka lesen bejudi tauka nyabung manuk baka ba siti graphik ti 'viral' apin lama ke udah.

Seketari Politik Menteri Mata Duit, Jo-Anna Sue Henley Rampas, madahka graphik nya disadung (viral) orang ti nadai tanggungpengawa.

Kenuku Kepala Menteri ngemendarka lesen nyabung manuk di Sabah.

Graphik ti udah digaga baru (edit) enggau disadung (viral) orang ti nadai tanggungpengawa enggau madahka Kepala Menteri udah ngemendarka lesen nyabung di Sabah.

Enti kita deka nemu, graphik nya udah digaga baru enggau diengkah sida iya logo Perpustakaan Negeri Sabah, Opis Imigresen, Opis Menteri Dalam Negeri, Parti Warisan Sabah enggau Opis Pengerijista Bansa.

"Kepala Menteri Sabah, Datuk Seri Mohd Hafie Apdal, nadai kala ngemendarka lesen bejudi tauka nyabung manuk di mengeri tu," ku iya lebuh ke dirandau pengarang berita, sehari tu tadi.

Berebak enggau nya, Jo-Anna ngelalau orang mayuh ngambika enda pechayaka berita selabubu nya enggau besadungka berita ti enda amat laban berita nya ulih ngelabuh enggau ngamahka nama Perintah Mengeri Sabah enggau Malaysia.