Ditemu enda enseput ba belakang rumah
Cari Berita

Advertisement

Ditemu enda enseput ba belakang rumah

Chief Editor | Berita Iban MY
July 30, 2019

GRAPHIK PENGIAS
MUKAH: Siku lelaki (orang ti bisi penanggul ba untak), 26 taun, ditemu enda enseput ba belakang sebuah rumah di Bakong, Oya, ditu, tumu pagi kemari.

Kepala Polis Pampang Dalat, DSP Roslan Leman, madahka penusah nyadi urung jam 6 pagi lebuh apai lelaki nya nyenguk tauka ngabas iya ba dalam panking tang iya nadai dia.

"Apai lelaki nya mega bisi nguji ngiga iya ba dalam rumah nya tang nadai ga temu.

"Meda iya nadau ba dalam rumah nya, apai iya bejalai ke belakang rumah enggau tetemuka anak lelaki iya nya enggau tekenyit meda anak iya nya udah enda enseput agi tauka udah nadai," ku iya lebuh ke dirandau pengarang berita, kemari.

Ku Roslan, asil pansik tumu, lelaki nya salah siku ari orang ti bisi penanggul ba untak enggau iya ngelamatu diperesa tauka diperubatka di Sepital Mukah.

Nadai bekau jamah tauka jenayah diripotka nyadi ba palan penusah ke nyadi enggau bangkai lelaki nya dianjung ke Sepital Dalat ngambika ulih bejalaika pengawa silik agi.

Kes nya ditukuka nyadi parai ngenyit.