Meri jaku renjan ngagai indai, munuh menyadi biak
Cari Berita

Advertisement


Meri jaku renjan ngagai indai, munuh menyadi biak

Staf @beritaibanMY
July 29, 2019

GRAPHIK PENGIAS: Siku orang parai enggau bil karan.

MANJUNG: Laya dua iku diri menyadi bebali nyadi utai ti chukup ngeyinuka ati pengudah menyadi biak iya parai ketegal dipaluk menyadi tuai iya ba luar kedai makai di Pengkalan Bharu, Pantai Remis, Manjung, kemari.

Penusah nyadi urung jam 11.40 malam kemari, menyadi biak dikelala ngena nama Hussain Mai Din, 35 taun, diripotka ngapuska seput kepenudi ba palan penusah ke nyadi ketegal balat bakal ba pala. meninggal dunia lokasi kejadian dengan kesan tetakan objek tajam di bahagian kepala.

Kepala Polis Pampang Manjung, Asisten Komisioner Muhammad Hanif Othman madah, raban iya bisi nerima ripot bekaul kes nya enggau berumban ngesah ke palan penusah nyadi.

Ku iya, asil pansik tumu, penusah nya nyadi bepun ari menyadi biak ti gawa nyadi 'pembantu kedai' bisi ninga menyadi tuai iya (saspek), 37 taun, meri jaku renjan ngagai indai seduai iya.

“Indai seduai iya mega nyadi saksi madahka penusah nyadi bepun ari menyadi tuai meda bil karan kedai makai sida iya agi bisi bedau dibalas.

“Pengudah menyadi biak ninga menyadi tuai iya meri jaku renjan ngagai indai. Iya lalu mansang enggau maluk menyadi tuai iya ti benung meresi utai ba dapur kedai nya,” ku iya lebuh ke dirandau pengarang berita, sehari tu tadi.

Ku Muhammad Hanif, nangkan ke nya, seduai dua  menyadi lalu belibat ba luar kedai sebedau menyadi biak iya ditemu tegali enggau darah ti meachir-achir ba pala.

Ku iya, lebuh nguji ngelara seduai iya, indai seduai iya megai bisi bakal enggau udah diperubatka ba klinik, menyadi tuai (saspek) mega sama bakal.

“Lebuh raban polis datai ba palan penusah ke nyadi, menyadi biak iya agi jejengap enggau tegali ba kaki lima kedai nya. Tang enda lama pengudah nya, raban perubat ti bisi datai kia madahka iya udah enda ulih diselamatka agi tauka udah parai.

“Polis bisi nemu bekau bakal pala menyadi biak iya ke dipechayaka dipaluk tauka dipantap menyadi tuai iya ngena perengka ti tajam. Menyadi tuai iya udah ditangkap polis,” ku iya.

Ku iya, bangkai menyadi biak iya udah dianjung ke Unit Forensik Sepital Raja Permaisuri Bainun ( HRPB) di Ipoh kena bejalaika pengawa buntas tasat.

Menyadi tuai iya diatu ditan polis pengelama tujuh hari kena bejalaika pengawa nasat nitihka ukum Seksyen 302 Kanun Keseksaan.