Parai lebuh ngiga sayur babas
Cari Berita

Advertisement

Parai lebuh ngiga sayur babas

Chief Editor | Berita Iban MY
July 24, 2019

KASIH AMAT: Raban bomba mai bangkai niang pansut ari kampung.

MIRI: Siku lelaki orang tuai diripotka lenyau pengudah nurun ke tanah ngiga sayur babas semak Kampung Lopeng, ditemu parai pagi tu tadi.

Kepala Opis Bomba enggau Penyelamat Malaysia Zon 6 Miri, Law Poh Kiong madahka orang tuai nya dikelala ngena nama Lai Song Kong, 72 taun, ditemu urung jam 10.29 pagi tadi.

"Orang tuai nya mujur ditemu urung penyauh 120 meter ari paking endur iya engkah kerita," ku iya lebuh ke dirandau pengarang berita.

Sebedau tu, orang tuai nya dipechayaka pansut ari rumah iya urung jam 4.16 lemai kemari laban deka ngiga sayur babas, tang iya alu nadai pulai ke rumah nyentukka jam 6 lemai kemari.

Nangkan ke nya, anak orang tuai nya nguji ngiga orang tuai nya enggau tetemuka kerita ti diempu apai iya benung paking ba tisi jalai, urung penyauh dua kilometer (KM) ari jalai besai semak enggau Sekolah Menengah Kebangsaan Lopeng Tengah.

Tang taja pia, pemuas anak orang tuai nya ngiga apai iya ba palan nya tang enda ga tetemuka apai iya.

Dia iya lalu nganggauka raban bomba ngambika ulih mantu ngiga apai iya.