Siku lelaki mujur nyelamatka diri, kerita angus lengis diempa api
Cari Berita

Advertisement

Siku lelaki mujur nyelamatka diri, kerita angus lengis diempa api

Chief Editor | Berita Iban MY
July 30, 2019

API BENUNG MAU: Raban bomba benung bejalaika operasyen madamka api ba palan eksiden ke nyadi.

KUCHING
: Siku lelaki sempat nyelamatka diri pengudah kerita ke ditepan iya ngelantak tiang api lalu ngejungka angus di Jalai Penrissen, tumu pagi tadi.

Eksiden dipechayaka nyadi urung jam 1.20 pagi nya, deriba kerita Perodua Viva diripotka semina bakal mimit aja.

Pengari Operasyen Operasi Bomba Sarawak, madahka raban iya bisi nerima ripot bekaul enggau eksiden ke nyadi urung jam 1.29 pagi.

Ku iya, urung penyampau 10 raban bomba ari Balai Bomba (BBP) Batu Lintang pengudah lalu berumban ngesah ke palan eksiden ke nyadi ngambika ulih bejalaika operasyen madamka api.

“Lebuh datai, komander operasyen ngeripotka apai benung mau sereta nganguska sebuah kerita Perodua Viva ti ngelantak tiang api ba tisi jalai nya.

“Asil pansik tumu ba palan eksiden ke nyadi, lelaki ke deriba kerita nya mujur nyelamatka diri, tang diripotka napi bakal mimit,” ku iya lebuh ke dirandau pengarang berita, sehari tu tadi.

Ku pengari ke sama, kerita lelaki udah enda ulih diselamatka laban udah ambis lengis diempa api.

“Operasyen nya diketuka urung jam 5.38 pagi,” ku iya.