Lori tepawah di Bukit Begunan, Jalai Sri Aman-Serian
Cari Berita

Advertisement

Lori tepawah di Bukit Begunan, Jalai Sri Aman-Serian

Chief Editor | Berita Iban MY
August 22, 2019

KASIH AMAT: Pendiau lori ke ditepan seduai iya pengudah tepawah di Bukit Begunan, Jalai Sri Aman-Serian.

KUCHING: Siku deriba enggau siku kelindan bakal pengudah lori ke ditepan seduai iya tepawah di Bukit Begunan, Jalai Sri Aman-Serian, sehari tu tadi.

Pengari Operasyen Bomba enggau Penyelamat Malaysia Sarawak, madahka raban iya bisi nerima bekaul enggau penusah ke nyadi urung jam 9 pagi enggau seraban bomba ari Balai Bomba enggau Penyelamat (BBP) Sri Aman lalu berumban ngesah ke palan penusah ke nyadi.

"Lebuh datai ba palan penusah ke nyadi, raban iya ngeripotka sebuah lori telentang ba tisi jalai enggau dua iku lelaki (deriba lori enggau kelindan) agi mengkang ba penuduk deriba enggau penumpang.

"Tang taja pia, siku ari seduai iya sempat engkechit enggau pansut tang siku da agi mengkang ba dalam lori nya.

"Raban bomba pengudah nya bejalaika operasyen mansutka lelaki ke mengkang ba dalam lori nya ngena piko ke diempu kompeni semak endur palan penusah ke nyadi," ku iya nerangka pengarang berita.

Lelaki ke mengkang ba dalam lori nya diberi perubat tumu sebedau seduai iya dianjung ke Sepital Sri Aman ngambika ulih diperubatka enggau silik agi.