Nulung aku ngiga anak aku..
Cari Berita

Advertisement

Nulung aku ngiga anak aku..

Chief Editor | Berita Iban MY
August 25, 2019

KASIH AMAT: Graphik Dayang Nurul Aina Najwa (anak Abang Nurazam) ke diripotka lenyau sehari tu tadi.

KUCHING: Siku anak mit indu enggau ibu biak iya dipechayaka ditaban dua orang ti enda dikelala ngena sebuah van chura chelum ba simpang Kopodim, Jalan FAC di Matang, sehari tu tadi.

Apai anak mit indu nya, Abang Nurazam Abang Ghazali, madahka penusah nyadi urung jam 3.15 lemai.

Anak iya, Dayang Nurul Aina Najwa, 10 taun enggau menyadi biak iya Dayang Siti Nur Safiqah Abang Ghazali (Ibu Aina), 17 taun, diripotka ditabanka dua iku orang ti ngena tupeng mua enggau bekenaka gari chelum ngena sebuah van chura burak.

Nangkan ke nya, apai anak mit indu nya lalu ngaga ripot polis di Balai Polis Gita.

Abang Nurazam mega minta saup ari orang mayuh mantu ngiga anak enggau menyadi iya nya enggau enti nyema kita bisi tepedaka van burak nya, kita tau betalipaun ngagai iya ngena lumur 01115320019.