RIP Puan Lily Ak Nanta..
Cari Berita

Advertisement

RIP Puan Lily Ak Nanta..

Chief Editor | Berita Iban MY
August 22, 2019

RIP: Graphik maya niang agi idup.

BINTULU: Kami ari @beritaibanMY enggau ati ti chukup sinu madahka Puan Lily Ak Nanta, 42 taun, udah nadai ba Sepital Bintulu, kemari, ketegal bisi penanggul ba perut (kanser).

Nitihka penerang, niang gawa nyadi pengajar TABIKA KEMAS Tunas Baru, di Rh Lampoh Kelas A, Bintulu.

Urung pengelama 3 taun, niang udah ngenat enggau ngelaban penyakitke ditapi iya nya.

Niang gawa enggau KEMAS kenyau ari bulan januari 2001, iya mega udah ninggalka dua iku anak.

Niang siku ari orang ti manah budi basa antara bakih ke sama gawa enggau iya.

Pemidang niang tu siti ari pengelenyau ti besai amat ba bala ke sepintu bilik enggau iya, Opis KEMAS Sarawak, bakih ke sama gawa enggau iya, enggau semua orang ti ngelala iya.

Nitihka penerang, niang deka dikuburka kena Hari Lima tu (23 ogos 2019) di Tanah Kubur BDA, Batu 2, Bintulu.

Berebak enggau nya, kami ngarapka semua bala ke sepintu bilik enggau niang ulih ngeringka ati napi penguji tu.

Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua..

Petara sigi ngibun sereta ngintu iya ba pengidup ti baru din. Besampi ngagai Allah Taala ti pemadu bekuasa awakka semengat niang begulai manah enggau Apai di Serega.. 🙏