Siku anembiak bebadi nyawa, eksiden di Kilometer 24, Jalai Bau-Stass
Cari Berita

Advertisement

Siku anembiak bebadi nyawa, eksiden di Kilometer 24, Jalai Bau-Stass

Chief Editor | Berita Iban MY
August 25, 2019

KASIH AMAT: Pendiau motosikal ke ditepan Jerryco (graphik mit) pengudah eksiden nyadi.

KUCHING: Siku anembiak lelaki bebadi nyawa pengudah motosikal ke ditepan iya belantak enggau sebuah di Kilometer 24, Jalai Bau-Stass, lemai kemari.

Anembiak ke bebadi nyawa nya dikelala ngena nama Jerryco Dinno So-uh, 13 taun, orang ari Kampung Stass, Bau.

Kepala Polis Pampang Bau, DSP Poge Nyaon, madahka raban polis bisi nerima ripot bekaul enggau penusah bebadi ba jalai alun nya urung jam 4.30 lemai.

"Sebedau eksiden nyadi Hilux ke ditepan siku lelaki, 29 taun, benung bejalai ari Kampung Stass nuju ke Kampung Bogag, tang anembiak lelaki nya benung dirantau jalai ari Kampung Skibang nuju ke Kampung Stass.

"Asil pansik tumu, eksiden nyadi bepun ari deriba motosikal nguji ngelih sebuah kerita tang dipechayaka tepawah lalu tama ke jalai ngelaban arus enggau ngejungka iya ngelantak mua Hilux nya.

"Deriba Hilux nya diripotka selamat tauka nadai nenama tang anembiak lelaki nya diripotka ngapuska seput kepenudi lebuh dirantau jalai nuju ke Sepital Bau," ku iya lebuh ke dirandau pengarang berita, kemari.

Poge minta orang mayuh ti bisi penerang silik tauka bisi meda lebuh eksiden nyadi, kita dipinta betalipaun ngagai Kepala Opis Tasat enggau Penguasa Trafik IPD Bau, Inspektor Mahadir Samah, ngena lumur 0165827772 tauka Inspektor Rahiman ngena lumur 0139892382.

"Chunto darah dua 'victim' udah diambi laban deka dianalysis di Opis Kimia Kuching kena bejalaika pengawa mansik silik agi.

Kes nya agi dipansik ari baruh Seksyen 41 (1) Akta Pengangkutan Jalan 1987.