VIRAL! Polis benung ngiga lelaki ke nyamah pelajar sekula tu
Cari Berita

Advertisement

VIRAL! Polis benung ngiga lelaki ke nyamah pelajar sekula tu

Chief Editor | Berita Iban MY
August 31, 2019

KASIH AMAT: Pelajar nya semina ngenanka pemedis diri lebuh ke dijamah salah siku ari saspek.

KUCHING: Raban polis diatu agi mansik siti ripot ke diterima bekaul enggau video ke viral ba media sosial ngayanka siku anembiak lelaki kena jamah.

Kepala Polis Pampang Kuching, ACP Awang Din Awang Gani, madahka ripot nya diterima di Balai Polis Sentral enggau pansik silik agi dipejalaika.

"Raban kami bisi nerima ripot bekaul enggau penusah ke nyadi. Raban polis diatu benung ngiga, deka nangkap semua saspek enggau kes nya agi dipansik," ku iya lebuh ke dirandau pengarang berita, sehari tu tadi.


TENAKO-NAKO: Video pengelama 40 sikin nya viral bepun ari kemari.

Orang mayuh (warganet) ti udah meda video nya mayuh enda nyukung tauka enda ulih nerima ulah ke digaga siku lelaki iya nya nyamah siku pelajar ke bisi ngena tanchut enggau kasut sekula.

Nitihka berita selabubu, penusah nya dipechayaka nyadi ba sebulah sekula di Kuching.

Tang taja pia, kebuah enggau ba dini endur penusah nyadi agi dipansik raban polis.

Kes nya agi dipansik ari baruh Seksyen 148 Kanun Keseksaan enti ditukuka salah ulih kena ukum jil maksimum lima taun tauka ukum mata duit tauka kededua nya sekali.