Ajih empa antu..
Cari Berita

Advertisement

Ajih empa antu..

Chief Editor | Berita Iban MY
September 23, 2019

TENAKO-NAKO: Pendiau pengudah pendam kena sengkubang orang ti enda beradat di palan penusah ke nyadi.

MIRI
: Siku lelaki ngaga ripot polis pengudah nemu enggau meda pendam aki disengkubang orang ti nadai adat tauka chukup enda bebasaka orang ti udah parai sereta kaban belayan niang di Tanah Pendam Anglikan Riam, ditu, pagi kemari.

Ulah ti enda menuku tauka nadai adat nya tebantai urung jam 9.30 pagi lebuh lelaki nya enggau indai iya ngabas pendam aki iya laban deka sembiangka niang aki iya, sebedau iya ngaga ripot polis.

Kepala Polis Pampang (KPD) Miri, ACP Lim Meng Seah, madahka raban polis bisi nerima ripot bekaul enggau pendam kena sengkubang orang enggau raban polis deka mansik kes nya.

"Lebuh lelaki nya enggau indai iya datai pendam aki iya, seduai iya dua sama bela tekenyit pengudah meda pendam aki iya udah kena sengkubang orang ti enda dikelala enggau mayuh keresa (baya) ba dalam pendam aki iya nya udah nadai dia agi," ku iya lebuh dirandau pengarang berita sehari tu tadi.

"Asil peresa lelaki nya ba palan penusah ke nyadi, bisi beberapa buah pendam kebukai mega kena sengkubang enggau udah rusak dipechayaka disengkubang orang ti enda beradat nya tauka chukup enda bebasaka orang ti udah parai sereta kaban belayan niang.

Lelaki nya madah iya minggu nyin kemari bisi mega ngabas pendam aki iya tang nadai nenama maya nya.

Picha bekaul enggau kes engkubang pendam tu mega viral ba media sosial bepun ari malam tadi.
Asil pansik raban Berita Iban Online, mayuh orang ke macha tauka meda post bekait enggau kes engkubang pendam nya enda ulih nerima ulah ti enda beradat nya.

📑 @Facebook

Kes nya dipansik ari baruh Seksyen 297 Kanun Keseksaan.

Bisi pekara deka dikunsi?

WhatsApp aja asuh +60169989688
Tauka email ngagai hello@beritaiban.com