Akai dai.. Inek pan positif dadah?
Cari Berita

Advertisement

Akai dai.. Inek pan positif dadah?

Chief Editor | Berita Iban MY
September 1, 2019

AKAI DAI: Siku inek dipechayaka bekait enggau kes salah ngena dadah mujur ditan raban AADK, kemari.

MIRI: Siku indu, dipechayaka inek orang, 50 taun, salah siku ari orang ke ditan Agensi Anti Dadah Kebangsaan (AADK) lebuh operasyen dipejalaika di Niah dan Bekenu di Miri, kemari.

Operasyen dipejalaika belabuh ari jam 11.30 malam nyentuk 7 pagi nya udah mujur nangkap 39 saspek ti beumur antara 17 nyentuk  50 taun ke dipechayaka bekait enggau penyalah ngena dadah.

Kepala AADK Miri, Mazalan Jikran, madahka asil peresa ai kemi tumu bisi 32 ari sida ke ditangkap nya positif dadah 'syabu'.

"Siku inek orang mega dipechayaka positif dadah 'syabu'. Semua saspek ke positif dadah nya deka dipansik ari baruh Seksyen 3 Akta Penagih Dadah Rawatan dan Pemulihan 1983," ku iya lebuh ke dirandau pengarang berita, sehari tu tadi.

Ku Mazalan, operasyen nya mega bisi dintau raban AADK Limbang, Polis Diraja Malaysia (PDRM) Balai Batu Niah, Jabatan Sukarelawan Malaysia (RELA) enggau Suruhanjaya Pencegahan Rasuah Malaysia (SPRM).

"Operasyen ke sekali tu udah nyadi siti agi bukti raban AADK Miri udah mujur ngurangka pengawa penyalah ngena dadah di Miri.

"Raban kami deka bejalaika operasyen ke sama enggau fokus ba menua luar bandaraya Miri laban mayuh ripotka diterima.

Mazalan mega madahka genturung pendiau ke semak dia ngambi nyikap diri ari orang ke salah ngena dadah. Anang nyalam tauka ngelalaika bala diri empu tauka bala bakih ke nyadi orang makai dadah.