Bilun Airasia ari KL-Sandakan, sangkai di Miri, siku indu datai kelaie deka beranak
Cari Berita

Advertisement

Bilun Airasia ari KL-Sandakan, sangkai di Miri, siku indu datai kelaie deka beranak

Chief Editor | Berita Iban MY
September 2, 2019

MANAH AMAT UTAI DIBERI TUHAN: Indu ke betubuh bisi nya mujur ngadaka anak lelaki di Sepital Miri, lemai kemari.

MIRI: Sebuah bilun AirAsia ke benung terebai ari Kuala Lumpur (KL) ke Sandakan, kemari (Hari Minggu) sangkai di Airport Miri pengudah salah siku ari orang ke nepan (penumpang) ba bilun nya benung betubuh bisi enggau udah datai kelaie deka beranak.

Bilun Airasia AK5194 maya nya bisi ngundan 130 penumpang enggau enam staf ke gawa ba ba bilun nya sangkai ba Airport Miri, urung jam 5.28 lemai, kemari.

Menija Airport Miri, Zainal Abidin Harun, madah pengudah bilun nya sangkai, indu ke udah datai kelaie nya, orang ari Sandakan, Sabah lalu dianjung ke Sepital Miri.

"Indu ke betubuh bisi nya ari Kuala Lumpur deka pulai ke Sandakan tang iya nyadang diri ke tumu datai kelair.

"Indu nya udah mujur nyadaka anak lelaki, urung jam 5.58 lemai nya," ku iya.

Ku Zainal Abidin, urung jam 6.27 lemai, bilun nya terebai ke Sandakan  tang indu ke betubuh bisi nya enda enggau.