Iya mantap pala aku, enggai dilara aku lebuh ngirup ai bisa
Cari Berita

Advertisement

Iya mantap pala aku, enggai dilara aku lebuh ngirup ai bisa

Chief Editor | Berita Iban MY
September 5, 2019

KASIH AMAT: Lelaki nya diripotka balat bakal ba pala pengudah kena pantap ipar iya empu.

SRI AMAN: Siku lelaki balat bakal ba pala pengudah kena pantap ipar iya ngena duku lebuh seduai iya belaya ba sebuah rumah panjai di Kampung Kedaong, Tanjung Bijat, malam kemari.

Penusah dipechayaka nyadi urung jam 7 malam, lelaki nya (victim) ngelara ipar lelaki iya (saspek) ke dipechayaka benung ngirup enggau udah mabuk ngambika badu agi ngirup ai bisa.

Ku penerang, saspek enggai dilara lelaki nya laban agi ka ngirup lalu ngejungka saspek nya ringat enggau nganu.

"Enda memukai saspek pengudah nya lalu mantap pala lelaki nya ngena duku ke ditangkin saspek enggau ngejungka pala lelaki nya balat bakal.

Ba sida serumah begau pengudah nemu penusah nya nyadi lalu nganggauka Opis Nyaga Pengelikun Malaysia (APM) Sri Aman ngambika ulih nganjung lelaki nya berubat ke Sepital  Sri Aman.

Pemesai APM Pampang Sri Aman, Siti Huzaimah Ibrahim, madahka wida iya bisi nerima ripot bekaul enggau penusah ke nyadi nya urung jam 7.14 malam.

"Pengudah nerima ripot nya, sebuah ambulans ke diempu AAPM Sri Aman enggau beberapa iku raban APM lalu berumban ngesah ke palan penusah ke nyadi ngambika ulih bejalaika pengawa ngubat tumu sebedau nganjung lelaki nya berubat silik di Sepital Sri Aman.

"Lebuh datai ba palan penusah ke nyadi, raban APM ngeripotka pala lelaki nya balat bedarah enggau lalu berumban naban ke lelaki nya ke Sepital Sri Aman," ku iya.