Iya mukut, nabanka talipaun binching aku..
Cari Berita

Advertisement

Iya mukut, nabanka talipaun binching aku..

Chief Editor | Berita Iban MY
September 7, 2019

SEPI ASAI: Dua saspek mujur ditangkap orang mayuh sebedau seduai iya disuakka ngagai raban polis.

KUCHING: Dua lelaki mujur dipelampat enggau ditangkap orang mayuh pengudah seduai iya dipechaya mukut enggau nabanka talipaun binching siku anembiak lelaki ba seduai cafe di tebing sungai, Kuching, tumu pagi tadi.

Nitihka penerang ke diterima Berita Iban Online, penusah dipechayaka nyadi urung jam 3.45 pagi di Gloria Jean Cafe.

Sebedau penusah nyadi, anembiak lelaki nya (victim), 19 taun enggau bakih iya benung duduk ba siti mija di cafe nya.

Pengudah nya datai salah siku ari lelaki nya (saspek) mansang asuh mija seduai enggau enda memukai saspek nya lalu mukut dada enggau nabanka talipaun binching anembiak lelaki nya.

Saspek udah nya nguji ngelarika diri enggau bakih saspek nya ngena sebuah motosikal tang tejanggal.

Dua saspek nya mujur dipelampat enggau ditangkap orang mayuh ke bisi datai ba cafe nya mega.

Kepala Polis Pampang Kuching, Asisten Komisioner Awang Gani Awang Din, madahka dua saspek nya udah ditangkap polis lebuh raban polis bejalaika pengawa ngemata ba endur nya urung jam 3.55 pagi.

"Dua saspek nya beumur 30 enggau 36 taun, udah ngaku bisi bekait enggau nabanka talipaun binching anembiak lelaki nya (kes ngerumpak).

"Kededua saspek nya diatu agi bisi ba dalam lokap di balai polis Sentral enggau pansik silik deka dipejalaika," ku iya lebuh ke dirandau pengarang berita, sehari tu tadi.

Ku iya, anembiak lelaki ke ngempu talipaun binching nya diripotka bisi telih ba dada enggau jari, tang bakih iya bakal ba gelang kaki pengudah belibat enggau kededua saspek nya ba endur penusah ke nyadi.

"Sebuah motosikal ke dipechayaka bisi bekait enggau kes nya mega ditan polis.

Kes nya agi dipansik ari baruh Seksyen 395 Kanun Keseksaan.