Ka sejam aja saspek ulih naban ke kerita Hilux nya..
Cari Berita

Advertisement

Ka sejam aja saspek ulih naban ke kerita Hilux nya..

Chief Editor | Berita Iban MY
September 7, 2019

SEPI ASAI NUAN: Saspek (tengah) enggau kerita Hilux ke dipechayaka dichuri iya.

BINTULU: Siku lelaki semina sejam aja ulih deriba kerita Hilux ke dipechayaka dichuri iya di Tatau, malam tadi. 

Nitihka penerang ba dokumen pengelala, lelaki nya (saspek), 20 taun, iban, orang ari Rumah Dian Nanga Pelugau, Balingian. 

Lelaki nya ditan polis pengudah meda pendiau iya baka orang ke takut tauka kesal lebuh raban polis bejalaika pengawa meresa urung jam 11 malam.

Kepala Polis Pampang Tatau,  Deputi Superintendan Dennis Bunyam, madah sebedau raban iya bisi nerima ripot bekait enggau sebuah kerita Hilux ke diempu siku pengajar lenyau di kuarters pengajar Sekula Secondary Kebangsaan (SMK) Ulu Balingian, urung jam 10 malam.

Ku iya, raban Opis Tasat Jenayah  (JSJ) enggau raban Rondaan (MPV) (IPD) Tatau mujur tetemuka sebuah kerita Hilux enggau orang ke deriba kerita nya (saspek) baka orang ke takut tauka kesal di Kilometer 1 Jalan Tatau-Bintulu.

"Asil pansik tumu pengudah ngetanka orang ke siku lelaki (deriba) enggau sebuah kerita Hilux nya, raban polis ngeripotka kerita Hilux ke ditan sida iya nya baru aja diripotka lenyau ba endur paking entuka ba kuarters pengajar di SMK Ulu Balingian," ku iya.

Ku Dennis, saspek pengudah nya ditan enggau dibaie ke Balai Polis Tatau kena bejalaika pengawa mansik sebedau iya (saspek) diabaie ke JSJ IPD Mukah kena bejalaika pengawa mansik silik agi.