Min, nulung aku ngiga bala ayak Khrisma..
Cari Berita

Advertisement

Min, nulung aku ngiga bala ayak Khrisma..

Chief Editor | Berita Iban MY
September 11, 2019

KASIH AMAT: Khrisma benung gali ngenatka pemedis diri ba Sepital Nyabau
Tabi pagi bala pemacha semua, ngarapka kita mujur ngereja semua pengawa baka ke sehari tu.

Pagi tu tadi raban kami bisi nerima jaku pesan bebatang ari siku lelaki ke dikelala ngena nama Merlin.

Ku iya, enggau tu aku ngari ke Khrisma Bibiyana anak Empati Tindin deka mesanka:
1. Bala ayak ari sepiak apai iya, Kumbang anak Tindin
2. Semua bala menyadi apai iya, kebukai ke diau di Nanga Buan Kapit..

Pesan tu madahka Khrisma Bibiyana anak Empati Tindin diatu benung sakit raya enggau iya udah dipasuk ke ba Sepital Nyabau, Bintulu.

Penerang ti silik bekait enggau tau betalipaun ngagai indai Khrisma Bibiyana anak Empati Tindin ngena lumur: +60 13 427 5177

Aram meh kitai sama bela besampika Khrisma Bibiyana anak Empati Tindin ngambika iya jampat suman enggau ngarapka bala ari sepiak apai iya ke dikirumka pesan tu nemu enggau datai ngesah iya enggau naka pengelengkas.

JAKU TANGKAN: Tau sadung artikel tu ba Facebook tauka media sosial ngambika orang ke dituju pesan tu ulih nemu  penusah ke ditapi Khrisma Bibiyana anak Empati Tindin.

Ngambika sida iya ulih betemu iya naka pengelengkas. Tuhan merekat semua kitai. 🙏

Bisi pekara deka dikunsi?

WhatsApp aja asuh +60169989688

Tauka email ngagai hello@beritaiban.com