VIRAL: Iya nyipak, nampar mua aku lebuh aku agi merap anak mit
Cari Berita

Advertisement

VIRAL: Iya nyipak, nampar mua aku lebuh aku agi merap anak mit

Chief Editor | Berita Iban MY
September 2, 2019

KASIH AMAT: Bini saspek semina ulih ngenatka pemedis lebuh ke dijamah laki iya nya ba dalam rumah seduai iya.

Minggu nyin kemari, raban kami bisi tepedaka siti video ti viral ba media sosial.

Ba dalam video nya ngayanka siku lelaki dipechayaka guro tauka pengajar 'Wushu' nyamah bini iya ke benung megai tauka merap anak seduai iya ba dalam rumah seduai iya di Hanoi, Vietnam, kena Hari Satu (26 Ogos 2019).

Nitihka ripot ke dipansutka DailyMail, lelaki nya dikelala ngena nama, Nguyen Xuan Vinh (saspek), 32 taun, ringat enggau nyamah bini iya nya ketegal bini iya mindahka televisyen (TV) ke bilik bukai.

Ulah ke digaga lelaki nya tebantai pengudah bini laki nya, Vu Thi Thu Ly, 27 taun, kereja nyadi DJ radio, mantaika video rikud kamera belalai (CCTV) nya ba media sosial.



Ba video nya, Vinh ukai semina nyipak pala bini iya, tang iya mega nampar mua bini iya enggau balat lalu ngejungka bini iya ke benung megai anak seduai iya labuh tegali.

Ketegal nya mega bini iya diripotka bakal enggau nganjung diri berubat ke sepital.

Tang taja pia, laki iya agi bedau ga ditangkap polis taja pan video nya udah viral ba media sosial.

Nitihka penerang ke diterima Berita Iban Online, seduai melaki-bini tu kala sarak ketegal laki iya nya udu nyamah iya, tang seduai begulai baru sebedau anak ke lumur dua seduai iya ada.

"Iya nyamah aku lebuh aku agi megai anak tua iya ti agi mit..

"Aku udah enda tan ati agi.

"Nangkan ke nya, aku alu nyeritaka penusah ke nyadi ngagai indai aku..

"Iya kala nyamah aku sebedau tu tang enda ga ngemalat tu.

"Tang sekali tu, nyau kelalu amat iya menyati tauka nyamah aku. Iya nyamah aku ba mua anak tua iya!. Aku enda ulih nerima utai tu," ku iya lebuh ke dirandau pengarang berita.

Asil pansik kami be media sosial, raban kamj mujur tetemuka siti agi video laki nya (saspek) nyamah bini iya sebedau tu:


Tenako-nako! Ngenggam jari admin meda ulah lelaki tu. Bisi ga mensia baka lelaki tu ada ba dunya tu. Grrrr!

Kati ku runding kita ba sentang pekara tauka kes tu?. Tau disadung ngagai bala bakih kita tauka meri buah runding ba baruh artikel tu.