Eksiden kediri, labuh ke dalam parit penalam 3 meter
Cari Berita

Advertisement

Eksiden kediri, labuh ke dalam parit penalam 3 meter

Chief Editor | Berita Iban MY
October 14, 2019

KASIH AMAT: Raban bomba benung bejalaika operasyen ba palan eksiden ke nyadi.

KUCHING: Siku lelaki ditemu enda ngeleda pengudah kerita ke ditepan iya eksiden ba semak Siang-Siang Cafe di Jalai Matang Jaya, tumu pagi tadi.

Nitihka penerang ke diterima Berita Iban Online, lelaki nya dikelala ngena nama Matthew anak Nelson, 20 taun.

Pengari Opis Operasyen Bomba Sarawak, madahka bisi nerima ripot bekait enggau sebuah kerita eksiden kediri di Jalai Matang Jaya nya, urung jam 1.22 pagi.

Nangkan ke nya, seraban bomba ari BBP Petra Jaya alu berumban ngesah ke palan eksiden ke nyadi ngambika ulih bejalaika operasyen.

Lebuh datai ba palan eksiden ke nyadi, raban bomba ngeripotka sebuah kerita Waja dipechayaka eksiden kediri chura kelabu, udah tama ke dalam parit urung penalam 3 meter enggau lelaki nya agi mengkang ba dalam kerita nya.

Pengudah nya, raban bomba mansutka Matthew ngena pintu belakang kerita nya sebedau engkah iya ba 'stretcher' enggau nyuakka iya ngagai raban perubat ngambika ulih diperubatka enggau silik agi.

Naka kediatu, Matthew benung diperubatka di Sepital Besai Kuching.