Puji Tuhan! Semua pelajar diripotka selamat..
Cari Berita

Advertisement

Puji Tuhan! Semua pelajar diripotka selamat..

Chief Editor | Berita Iban MY
October 3, 2019

KASIH AMAT: Pendiau buding SK Nanga Serau lebuh penusah angus nyadi.

SIBU: Buding SK Nanga Serau, diripotka angus lemai tu tadi.

Nitihka penerang ke diterima kami,  urung penyampau 41 iku pelajar diripotka nadai nenama tauka selamat.

Pengari Opis Bomba (JBPM) Sarawak, madahka urung penyampau 20 iku pelajar indu enggau 21 pelajar lelaki diripotka selamat enggau semua sida iya 41 iku udah pulai ke rumah sida iya empu.

Ku iya, tujuh raban Bomba ari Balai Bomba Bintangor berumban ngesah ke palan penusah ke nyadi pengudah nerima ripot urung jam 4.20 lemai.

"Lebuh raban bomba datai, ketuai operasyen madahka api udah nyelarai enggau benung nganguska buding SK Nanga Serau," ku iya lebuh dirandau pengarang berita sehari tu tadi.

Puji Tuhan nadai penusah bebadi nyawa tauka bakal diripotka nyadi ba palan penusah ke nyadi.

Naka keditau, kebuah penusah angus nya nyadi agi benung dipansik.

Berita tu deka ditandu raban @beritaibanMY nganti udah nerima penerang silik ari opis ke megai tanggungpengawa.